Sumqayıtda əmək yarmarkası keçiriləcək.
Sumqayit24.az xəbər verir ki, yarmarka Abşeron-Xızı Regional Məşğulluq filialının təşkilatçılığı, Sumqayıt Dövlət Universitetinin, Gənclərin İnkişaf və Karyera Mərkəzinin və Sumqayıt Dövlət Texniki Kollecinin dəstəyi ilə baş tutacaq.
Namizədlərin şəxsiyyət vəsiqələrini təqdim etmələri mütləq, CV nümunəsi ilə birlikdə gəlmələri arzuolunandır.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Ünvan və tarix:
- Sumqayıt şəhəri, 43-cü məhəllə, Bakı küçəsi 1 (Sumqayıt Dövlət Universiteti);
- 26 may;
- 10:00-17:00.
Qeyd edək ki, Əmək yarmarkası Sumqayıt Dövlət Universitetinin məzunları və tələbələri üçün nəzərdə tutulub.
