Sumqayıt Dövlət Universiteti (SDU) ali təhsil müəssisələrinin sərgisinə qatılıb. Sumqayıt24 bu haqda 1 avqust tarixində xəbər verir.
Dövlət İmtahan Mərkəzində (DİM) keçirilən tədbirdə universiteti Elm və innovasiyalar üzrə prorektor dosent Elşad Abdullayev və Texnoloji innovasiya və texniki xidmət şöbəsinin müdiri Anar Dünyamalıyev təmsil ediblər.
Ziyarətçilər SDU-nun stendində universitetin təqdim etdiyi ixtisaslar, tədris proqramları, maddi-texniki baza, təhsil haqqı, güzəştlər, təqaüd proqramları və digər imkanlar barədə ətraflı məlumat ala bilirlər.
Sərgi avqustun 2-dək davam edəcək. Qatılmaq istəyənlər qeydiyyatdan keçə bilərlər: https://portal.dim.gov.az/sergi/.
