Sumqayıt Dövlət Dram Teatrında “Xeyir xəbər” tamaşasının premyerası keçiriləcək. Bu haqda 22 iyun tarixində Sumqayıt24 xəbər verir.
Silahlı Qüvvələr Günü ərəfəsində baş tutacaq tamaşa iyunun 25-də saat 18:00-da nümayiş olunacaq. Əməkdar incəsənət xadimi Əli Əmirlinin qələmə aldığı bu əsərdə bir ailənin taleyi kontekstində milli-mənəvi dəyərlər, təmkin, iradə, Vətən sevgisi təbliğ olunur.
Səhnə əsərində Əməkdar artist Elmira Kərimova, aktyorlar Habil Xanlarov, Məryəm Hüseynli, Şəmistan Süleymanlı, Aynur Hümbətova, Elay Xasıyev, Akif Mirzəyev və Siyavuş Mahmudov çıxış edirlər.
