Sumqayıt Azərbaycan SSR-nin sənaye mərkəzinə çevrildikdən sonra buraya dünyanın fərqli ölkələrindən təcrübə yığmaq üçün işçilər, alimlər gəlirdiı. 1960-cı illərədək Sumqayıt 100-dən çox xarici deleqasiya və 1000-dən çox əcnəbi qonaq qəbul edib. Onlardan bəziləri şəhər haqqında öz fikirlərini və təəssüratlarını Sumqayıtın fəxri ziyarətçilər kitabında yazmışdırlar.
“İndiyədək ziyarət etdiyimiz ən gənc şəhər. Onun naliyyətləri möhtəşəmdir. Qoy onun gələcəyi daha da gözəl olsun” - amerikalı yazıçılar A.Nerinq və S.Nerinqin Sumqayıt haqda dedikləri sözlər.
Beynəlxalq İnşaatçılar Birliyinin sədr müavini, Fransa İnşaat İşçiləri, İctimai İşlər və Tikinti Materialları Federasiyasının katibi A.J. Brike:
"Burada gördüklərimiz bütün gözləntilərimizi üstələdi. İnsanların daha yaxşı yaşaması üçün hər şey edilir".
"Economic review" adlı hind jurnalının redaktoru X.Malaviya Sumqayıtın sakinlərinə böyük simpatiyası olduğunu qeyd etmişdir.
Çin Xalq Qurtuluş Ordusunun mərkəzi qəzeti "Tsefantsunbao"-nun baş redaktoru Ouyan Vena Sumqayıt şəhərinin ona gənc, çiçəklənən bağı xatırlatdığını yazırdı. O, Sumqayıtın gələcəkdə daha da gözəl olacağını qeyd edirdi.
Mənbələr:
Foto Sumqayıt24
