Sumqayıt Dövlət Rəsm Qalereyası Səməd Vurğun küçəsində, Nəsimi adına dənizkənarı parkda yerləşir. 1967-ci ildə Sumqayıt Şəhər Sərgi Salonu yaradılmışdır və 1981-ci ilə qədər Azərbaycan Rəsmlər Qalereyasının filialı kimi fəaliyyət göstərirdi. 31 dekabr 1981-ci ildə isə Sumqayıt Dövlət Rəsm Qalereyası adlanmağa başladı.
Burada ilk bədii sərgi 7 aprel 1968-ci ildə baş tutmuşdiur, Azərbaycan xalq rəssamları Nadir Əbdürrəhmanovun və Tahir Salahovun bədii əsərləri nümayiş olunmuşdur. 1982-ci ildə Sumqayıt Şəkil qalereyasında "Biz kommunizm qururuq" devizi altında SSRİ-yə daxil olan respublikaları təmsil edən sovet rəssamlarının səyyar sərgisi açılmışdır.
1979-cu ilin oktyabr ayında Rəsm qalereyasında Özbəkistan incəsənət günləri, 1982-ci ildə Ruminiyanın Arçeş vilayətindən gətirilmiş uşaq rəsm sərgisi, 1987-ci ilin oktyabr ayında Almaniyanın Lüdviqsxafen şəhərindən gətirilmiş alman rəssamların sərgisi, 1996-cı ilin aprel ayında İsrailin Yerusəlim (Qüds) şəhərindən gətirilmiş İsrail rəssamlarının qravürlərindən ibarət sərgilər nümayiş olunmuşdur.
2003-2004-cü illərdə qalereya əsaslı şəkildə təmir edilib. Qalereyada 280-dən çox rəsm əsəri var.
Mənbələr:
Foto Sumqayıt24
