Sumqayıt şəhər Tarix muzeyi

Tarix muzeyi 2 noyabr 1967-ci ildə S. Vurğun küçəsindəki 132 saylı yaşayış evinin birinci mərtəbəsində fəaliyyətə başlayıb. 1988-ci ildən isə Heydər Əliyev küçəsi 382-də ikimərtəbəli binada yerləşir.

İlk dəfə fəaliyyətə başlayanda muzeydə 1113 eksponat olub. 1977-ci ildə bu rəqəm 3444-ə çatdırılıb. Hal-hazırda isə burada 14000-dən artıq eksponat qorunub saxlanılır.

Muzeyin ümumi sahəsi 2680 kv/m-dir. Muzey ekspozisiyasının mövzusu XVI əsrdən başlayaraq bu günümüzə qədər xronoloji ardıcıllığa əsaslanır.

Muzeyin birinci mərtəbəsinin ekspozisiya zalında Heydər Əliyevin büstü, onun Sumqayıt səfərləri ilə bağlı sənədlər, fotoşəkillər, qəzet və jurnallar toplusu əks olunur. Həmçinin zalda Sumqayıtın ilk müəssisəsi olan İstilik Elektrik Stansiyasına həsr olunmuş abidə yerləşir. Burada qədim İpək Yolunun bir qolu - Sumqayıtın ərazisini əks etdirən maket, saxsı və mis qablardan ibarət guşə də vardır.

İkinci mərtəbənin ekspozisiya zalında Sumqayıtda inşa edilən ilk müəssisələr, zavodlar, fabriklər, təhsil, səhiyyə, mədəniyyət ocaqları haqqında məlumatlar, əşyalar, sənədlər, fotoşəkillər əks olunmuşdur. Bu zalda Corat kənd əhalisinin yaşam tərzini və sumqayıtlıların məişətini əks etdirən otaq maketlər qoyulmuşdur. Zalda Sumqayıt şəhidləri, sumqayıtlı Milli Qəhrəmanlar haqqında guşə və şəhidlərə həsr edilmiş “Ulduz axını” abidəsi əks olumuşdur.

2007-2010-cu illərdə Sumqayıt şəhər Tarix muzeyi əsaslı şəkildə təmir edilmişdir.

1. Həmid Əliyev. Sumqayıt şəhərinin tarixi.


2. http://sumgait.mctgov.az/az/view/360/5/Sumqayitin-Tarixi-Muzeyi


3. http://anl.az/down/meqale/525/2011/mart/161863.htm


4. https://azertag.az/xeber/SUMQAYIT_TARIX_MUZEYI_ASASLI_TAMIRDAN_SONRA_YENIDAN_ACHILMISDIR-479726


5. https://museum.az/az/museum/52


6. https://kataloq.gomap.az/az/all-poi/culture/museum/980148fad56611e0ad4900226424597d

Foto Sumqayıt24

Foto Sumqayıt24

Foto Sumqayıt24

Foto Sumqayıt24