Hacı Məcid hamamı Sumqayıt şəhərinin Corat qəsəbəsində, Cəfər Cabbarlı və Səməd Vurğun küçələrinin kəsişməsindən 60-70 metr aralıda yerləşir. Corat sakinləri arasında bu hamam "köhnə hamam" kimi də tanınır. Hamamın tikilməsində Əhliman adlı şəxsin böyük rolu olmuşdur. Hamamın tikintisi XV-XVI əsrlərə aid edilir.
Əvvəllər bura gələn kükürdlü suyun isinməsi üçün tək bir şamın olması kifayət edirdi. Bu səbəbdən, yerli əhalinin sözlərinə görə bu hamama "şam işığı ilə qızan" hamam da deyilirdi.
Qədim hamamın kanalizasiya boruları saxsıdandır. Hamamın həyətindəki quyuya əvvəllər, bura yaxın yerləşən Nəbi bulağından kükürdlü su gəlirdi, lakin indi həmin quyu tutulub. Hal-hazırda hamam yararsız vəziyyətdədir.
Mənbələr:
Foto Sumqayıt24
Foto Sumqayıt24
