Sumqayıtda "20 ildən sonra" tamaşası nümayiş olunacaq. Bu haqda 30 aprel tarixində Sumqayıt24 xəbər verir.
Əməkdar incəsənət xadimi Əli Əmirlinin əsəri mayın 5-də Sumqayıt Dövlət Dram Teatrında göstəriləcək. Tamaşa bir aktyorun taleyindən bəhs edir. Geridə qalmış şöhrət, tamaşaçı alqışı, həyatın sərt üzü, sevgidə yaranan boşluq, ailənin dağılmaq təhlükəsi və bütün bunlar Otello üçün səhnə əsəri deyil, acı gerçəklərdir. Burada müəllif yoxdur. Yalnız o, özü finalı nikbin notlara apara bilər.
Biletlər teatrın kassasında satılır.
Əlavə məlumat üçün əlaqə nömrəsi: (055) 449 42 12.
