Sumqayıt Dövlət Dram Teatrı “Aktyor evi”ndə Əli Əmirlinin "20 ildən sonra" tamaşası ilə çıxış edəcək. Bu haqda 19 aprel tarixində Sumqayıt24 xəbər verir.
"Qonaq teatr" layihəsi çərçivəsində keçirilən tamaşa aprelin 22-də saat 19:00-da nümayiş olunacaq. Giriş sərbəstdir.
Tamaşanın quruluşçu rejissoru Xalq artisti, Prezident mükafatçısı Firudin Məhərrəmovdur. Bədii tərtibatın quruluşu Sevinc Həsənovaya, musiqi tərtibatı isə sənətşünaslıq üzrə fəlsəfə doktoru Telman Qəniyevə məxsusdur.
