Sumqayıt Dövlət Dram Teatrında yeni "Uçqun" tamaşası nümayiş olunacaq. Bu haqda 19 yanvar tarixində Sumqayıt24 xəbər verir.
Premyera yanvarın 21-də saat 18:00-da baş tutacaq. Əsərdə köhnə, konservativ düşüncələrlə saf sevgi üz-üzə gəlir. Mifləşdirilmiş ənənələr sabaha açılan qapıları bağlayır. Amma sevgisinin paklığına tapınan qəhrəman hər şeyi alt-üst edir və artıq çağa səsi eşidilir: işıqlı gələcəyin rəmzi kimi.
Tamaşanın quruluşçu rejissoru Əməkdar mədəniyyət işçisi Vasif Məmmədov, rəssamı Nizami Dadaşov, musiqi tərtibatçısı sənətşünaslıq üzrə fəlsəfə doktoru Telman Qəniyevdir.
