Sumqayıt Dövlət Dram Teatrı 55-ci mövsümünü qəhrəmanlıq dramı ilə başlayır. Bu barədə 3 oktyabr tarixində teatra istinadən xəbər veririk.
Hafiz Ataxanlının qələmə aldığı, Xalq artisti Firudin Məhərrəmovun quruluş verdiyi, Zəfər gününə həsr edilmiş "Missiya" əsəri yeni mövsümün ilk tamaşası olacaq. Açılış mərasimi oktyabrın 6-sı saat 18:00-da baş tutacaq. Tamaşanın quruluşçu rəssamı Elşən Sərxanoğlu, icraçı rəssamı Nizami Dadaşovdur.
Rollarda Əməkdar artistlər Rauf Ağakişiyev, İlahə Səfərova, aktyorlar Oktay Mehdiyev, Şəmistan Süleymanlı, Habil Xanlarov, Dağlar Rüstəmov, Yalçın Səlimov, İlahə Səfərova, Aynur Hümmətova, Ceyhun Məhərrəmli, Elmir Mehdiyev, Rövşad İlyasov, Rövşən Əsgərov, Zaur Şirinov, Etibar Əmirov, Ramazan Xanlarov çıxış edirlər.
Biletlər teatrın kassasında satılır.
