1988-ci il fevralın 27-dən 29-na qədər Sumqayıt şəhərində təxribat xarakterli qırğınlar baş vermişdir. Hadisənin baş verməsində Sumqayıt əhalisi arasına yerləşdirilən və Azərbaycan dilini təmiz bilən ermənilərdən ibarət təxribatçı qruplar xüsusi rol oynayıb. SSRİ DTK-sının himayə etdiyi həmin qruplar şəhərin müxtəlif yerlərində qətliamlar törədib, erməni milliyyətindən olan 26 nəfəri qətlə yetirmişlər.
Sumqayıta yeridilən general Krayevin rəhbərlik etdiyi ordu hissələri bunları kənardan izlədikdən sonra, fevralın 29-da hadisələrə müdaxilə etmişdir. Nəticədə 6 azərbaycanlı tankların altında qalaraq şəhid olmuş, 400 nəfər xəsarət almış, 200 mənzil talan edilmiş, 50 mədəni-məişət obyekti dağıdılmış, 40-dan çox avtomobil yararsız hala salınmışdır.
Hadisələri araşdıran keçmiş SSRİ Prokurorluğu və DTK-nın nümayəndələrindən ibarət istintaq qrupu baş verənləri bütövlükdə azərbaycanlıların üzərinə qoymuşdur. Nəticədə 3 minə yaxın günahsız Sumqayıt sakini həbs edilmişdir. Onlardan 400-ü inzibati məsuliyyətə cəlb edilmiş, böyük bir qismi rüşvət verməklə canını qurtarmış, 94 nəfər barəsində isə cinayət işi açılmışdır.
Mənbələr:
