Rejissor Ramiz Əzizbəylinin “Bəxt üzüyü” (1991-ci il) tammetrajlı bədii filmi çəkiləndən qabaq Vaqif Səmədoğlunun eyniadlı pyesi Sumqayıt Dövlət Teatrında səhnələşdirilib. Məhz Sumqayıt teatrındakı uğuru pyesin ekran variantının yaranmasına səbəb oldu.
1950-ci illərin sonunda Sumqayıtı Bakı ilə birləşdirən elektrik qatarı dəmir yolu istifadəyə verilmişdir.
Sumqayıtda ilk tramvay xətlərinin çəkilməsi 1956-cı ildə başlamışdır. Tramvay xəttinin ilk növbəsi isə 1957-ci ildə istifadəyə verilmişdi.
1950-1960-cı illərdə Sumqayıtın Boruyayma zavodunun qabaqcıl işçiləri ayda 1600-1700, gənc usta köməkçiləri isə 1200-1300 rubl qazanırdılar. Bu, o vaxtın orta əməkhaqqından 5-6 dəfə çox idi.
1960-cı ildə Sumqayıtda ilk trolleybus xətti açılmışdır.
1962-1964-cü illərdə Sumqayıt şəhərində 6 mindən çox mənzil istifadəyə verilmişdir. (560-a yaxın bina).
1967-ci ildə Sumqayıtda 12 mərtəbəli, 1968-ci ildə 8 mərtəbəli evlərin tikintisi başlamışdır. Həmin dövrdə şəhər binalarının 55%-dən çoxu 4-5 mərtəbəli, 35%-i 2-3 mərtəbəli idi.
1970-ci illərdə Sumqayıtda istehsal edilən sənaye məhsulları Polşa, Vyetnam, Koreya, Yaponiya, İngiltərə və Ərəb dünyasının olkələrinə və s. ixrac edilirdi.
1970-ci illərin sonunda Sumqayıtda istehsal edilən bütün sənaye məhsullarının 75%-dən çoxu Boruyayma zavoduna məxsus idi.
1980-ci illərdə Sumqayıt Kimya Kombinatının (Sumqayıt Üzvi Sintez İstehsal Birliyi) məhsulları SSRİ-in 200-ə yaxın şəhərinə, həmçinin xaricə də göndərilirdi.
Ədəbiyyat:
Məmmədov R.S., Sadıqov H.Ş. Sumqayıt: tarixdən səhifələr (1930-2000). Sumqayıt-2010.
Həmid Alıyev. Sumqayıt şəhərinin tarixi. Bakı-2011.
Л.С. Богданов, Э.И. Долуханова. Союз Архитекторов СССР. Сумгаит. Москва-1958.
