Sumqayıt-Quba müntəzəm avtobus marşrutu müsabiqəyə çıxarılır. Sumqayıt24 bu haqda 1 dekabr tarixində xəbər verir.
Müsabiqə Azərbaycan Yerüstü Nəqliyyat Agentliyi (AYNA) tərəfindən sərnişindaşıma xidmətinin keyfiyyətinin artırılmasına yönəldilib.
Sənədlər 29 dekabr saat 17:00-dək AYNA-da (ünvan: Bakı şəhəri, Tarzən Hacı Məmmədov küçəsi, 5; əlaqələndirici şəxs: Elsevər Qədimov – tel.: (012) 567-99-76, (050) 855-53-55, e-poçt: [email protected]) qəbul ediləcək.
Sağlamlıq imkanları məhdud vətəndaşların rahatlığı üçün xüsusi qurğu və avadanlıqla təchiz olunmuş nəqliyyat vasitələrinə üstünlük verilir. Həmçinin müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən 4 lot üzrə yanvarın 9-da baxılacaq.
Qrafik haqqında məlumatı buradan əldə edə bilərsiniz.
