Bu gün Sumqayıt Şəhər Məhkəməsində “Açıq qapı” günü keçiriləcək. Bu barədə 25 oktyabr tarixində məhkəmənin Facebook səhifəsinə istinadən xəbər veririk.
Mülki Ədalət Mühakiməsi Günü ilə əlaqədar təşkil olunan qəbul saat 10:00-dan 17:00-dək davam edəcək.
Burada ədalət mühakiməsinin həyata keçirilməsi sistemi ilə tanış olmaq, məhkəmə fəaliyyəti sahəsində həyata keçirilən islahatlar barədə məlumatlandırılmaq, hüquqlarınızın müdafiə mexanizmləri, məhkəməyə müraciət qaydaları və s. bu kimi məsələlər barədə məlumat və məsləhətlər ala bilərsiniz.
Ünvan: Sumqayıt Şəhər Məhkəməsi (Sülh prospekti, 70).
