Sumqayıtda “Sən də qan ver, yaşat!” şüarı ilə qanvermə aksiyası keçiriləcək.
Sumqayit24.az xəbər verir ki, aksiya 8-9 oktyabrda Təcili Tibbi Yardım Xəstəxanasında (Mehdi Hüseynzadə küçəsi 9) təşkil olunacaq. Qan vermək istəyən vətəndaşlar saat 09:00-dan 15:00-dək müraciət edə bilərlər.
Tədarük olunacaq qan və ondan hazırlanacaq preparatlardan hemofiliyalı və talassemiyalı, həmçinin qana ehtiyacı olan insanların müalicəsində istifadə olunacaq.
Aksiya Sumqayıt Tibb Mərkəzinin (STM), Sumqayıt Şəhər İcra Hakimiyyətinin təşkilatçılığı və Respublika Qan Bankının dəstəyi ilə baş tutacaq.
