Sumqayıt sakini, jurnalist fəxri ada layiq görülüb.
Sumqayit24.az xəbər verir ki, Azərbaycan Respublikasının Prezidenti İlham Əliyev milli mətbuatın inkişafında göstərdiyi xidmətlərinə görə tanınmış jurnalist Fadil Paşayevi Əməkdar jurnalist fəxri adı ilə təltif edib.
Fadil Paşayev 1977-ci il fevralın 28-də Qubadlı rayonunun Dondarlı kəndində anadan olub.
Orta təhsilini Sumqayıtda əvvəl 19 nömrəli, daha sonra isə 22 nömrəli məktəbdə alıb.
O, 1994–1998-ci illərdə Azərbaycan Dövlət Pedaqoji Universitetinin filologiya fakültəsində bakalavr təhsili, 1999–2001-ci illərdə isə həmin fakültənin magistratura pilləsini bitirib.
Jurnalistika fəaliyyətinə 1996-cı ildə "168 saat" və "Azad Azərbaycan" qəzetlərində müxbir və şöbə müdiri kimi başlayıb.
2006-cı ildən Azərbaycan Televiziyası və Radio Verilişləri QSC-də (AzTV) müxtəlif vəzifələrdə çalışıb.
O, 2008–2009-cu illərdə AzTV-nin Moskva bürosunun rəhbəri, 2009-cu ildən isə televiziya şirkətinin şimal bölgəsi üzrə müxbir məntəqəsinin redaktoru vəzifələrində fəaliyyət göstərib.
2014-cü ildə AzTV-nin Qazaxıstan və Orta Asiya ölkələri üzrə bürosunun rəhbəri təyin olunan Paşayev, bu dövrdə həm də Azərbaycanın Qazaxıstandakı səfirliyində mətbuat katibi kimi çalışaraq ölkəmizin mövqeyini regionda təbliğ edib.
Hazırda təsisçisi olduğu Konkret.az informasiya portalının baş redaktoru kimi fəaliyyət göstərir.
