Sumqayıt şəhərində “Yeni il şousu” təşkil olunacaq.
Sumqayit24.az xəbər verir ki, şənlik Sumqayıt Dövlət Dram Teatrı tərəfindən təşkil olunacaq. Mədəniyyət ocağının müraciətində deyilir:
“Əziz sumqayıtlılar, sevimli fidanlar! Sumqayıtda ilk dəfə, fərqli, çox maraqlı, sehrli yeni il şousu. Sumqayıt Dövlət Dram Teatrının yaradıcı heyəti çox düşündü, daşındı, yeni il istirahətinizin əyləncəli, yaddaqalan olması üçün məşhur nağıl qəhrəmanlarını bir süjet xəttində görüşdürməyi qərara aldı. Sehrli aləmdə Maşa və ayı, Şirinlər, Qrinç, Şrek, Karib dənizinin quldurları, Şaxta baba və Qar qızla qarşılaşacaqsınız.
Həyəcan dolu anlar, arzunuzla dəyişə bilən səhnələr Yeni il şousunu daha da maraqlı edəcək. 2025-ci ili tam fərqli, əyləncəli qarşılamaq istəyirsinizsə tələsin. Biletlər məhdud saydadır. Sarayın kassasından yerinizi seçin və “Sehrli Yeni il şousu”na qatılın.
Əlaqə: (055) 449-42-12”.
