Avtomobildə hər hansı nasazlıq yarandıqda sürücülər iki seçim arasında qalırlar. Bəziləri daha rahat, lakin baha variantı seçərək təzə ehtiyat hissələri alırlar. Puluna qənaət etmək istəyənlər isə digər çıxış yoluna üstünlük verirlər. Onlar istismar olunmuş, amma işlək vəziyyətdə olan avtodetalları əldə edirlər.
Təcrübəsi az olan şəxslər işlənmiş detalların Sumqayıtda sərfəli qiymətə satıldığı yerləri tanımırlar. Sumqayıt24 həmin obyektlərin siyahısını təqdim edir:
- Kimyaçılar küçəsində (“Əşya” bazarının yanı) yerləşən salonda “Opel” markalı avtomobillərin detalları satılır. Əlaqə: (050) 794-40-70.
- Qubadlı rayon İcra Hakimiyyəti binası ilə üzbəüz salonda “Mercedes”ə aid ehtiyat hissələrini əldə edə bilərsiniz. Əlaqə nömrələri: (070) 311-62-02; (055) 311-62-02.
- Çerkassı küçəsində (Süd zavodunun ərazisində) olan obyektdə “Opel”, “Hyundai” və “Chevrolet”in detalları var. Telefon: (070) 800-19-19.
- “Avtoservis 039” adlı salon Yəhya Məmmədov küçəsində (“Lukoil”in yaxınlığında) fəaliyyət göstərir. Burada dizellə çalışan “Mercedes”lərə Almaniyadan gətirilmiş hissələr almaq olar. Əlaqə telefonları: (070) 536-00-39; (055) 257-52-19.
- Daha bir “ölüxana” Ceyranbatan qəsəbəsində (məscidin yanı) yerləşir. “Kia”, “Hyundai” və “Mercedes” markalı avtomobili olan şəxslər buraya yaxınlaşa bilərlər. Əlaqə nömrələri: (070) 746-55-27; (070) 346-55-27; (050) 884-53-13.
Qeyd edək ki, salonlarda qoyulan qiymətlər bir-birindən fərqlənə bilər.
