Sumqayıtda “Formula 1” üçün endirimli erkən biletlər satılır. Bu barədə 12 yanvar tarixində Report.az-a istinadən xəbər veririk.
Azərbaycan Qran-prisi aprelin 28-dən 30-dək davam edəcək. Bakı Şəhər Halqası Əməliyyat Şirkətindən verilən məlumata görə, 20 % endirimlə təklif olunan kampaniyadan yanvarın 15-dək yararlanmaq olar.
Endirim kampaniyası müddətində ayaqüstü yerlər üçün biletlər 40-120, tribuna biletləri 160-690, azyaşlılar üçün isə biletlər 110-480 manatadək olan qiymət aralığındadır. Yanvarın 15-dən sonra biletlər tam qiymətə satılacaq.
Biletləri www.bakucitycircuit.com və ya Sumqayıt "ASAN xidmət" mərkəzində almaq mümkündür.
