Sumqayıtda endirimli “Formula-1” bileti almaq mümkündür. Bu barədə 2 fevral tarixində Bakı Şəhər Halqası Əməliyyat Şirkətinə (BŞH) istinadən xəbər veririk.
2 Fevral - Azərbaycan Gəncləri Günü ilə əlaqədar tribunaya məhdud sayda bilet 50% endirimlə təklif olunur. Bu yalnız tələbələr üçün nəzərdə tutulub. Kampaniya Azərbaycan vətəndaşlığına və ya rezident statusuna sahib tələbələrə şamil olunur. Onlar tələbə kartını təqdim edərək endirimdən yararlana bilərlər.
Sumqayıt “ASAN xidmət” mərkəzindən fevralın 5-dək, adama 1 ədəd olmaqla endirimli bilet almaq olar.
Qeyd edək ki, Azərbaycan Qran-prisi 28-30 apreldə baş tutacaq və Bakı ilk dəfə sprint yarışına ev sahibliyi edəcək.
