Sumqayıt ərazisində təcili və təxirəsalınmaz tibbi yardım üzrə həkim vakansiyası mövcuddur. Sumqayıt24 bu haqda 30 may tarixində xəbər verir.
Namizədə tələblər:
- Ali tibb təhsili;
- Sahə üzrə staj tələbi yoxdur;
- Qüvvədə olan sertifikasiya şəhadətnaməsi, BLS və ALS proqramları üzrə sertifikatların olması arzuolunandır.
Lazımi sənədlər:
- Şəxsiyyəti təsdiq edən sənədin surəti;
- Əsas (baza ali) tibb təhsili haqqında sənədin surəti (diplom), xaricdə təhsil almış namizədlərin ali tibbi təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla);
- Xarici dövlətlərdə təhsil alan şəxslər üçün işə buraxılma haqqında şəhadətnamənin surəti (namizədin işə qəbulunun rəsmiləşdirilməsi zamanı tələb olunacaq);
- Sertifikasiya şəhadətnaməsinin surəti (sertifikasiyadan keçməkdən qanunvericiliklə nəzərdə tutulmuş azadolma halları istisna olmaqla).
CV və qeyd olunan sənədlərin nüsxələrini
[email protected] ünvanına mövzu hissəsində vəzifənin adını və iş yerini (məsələn: TTY üzrə həkim–Sumqayıt) qeyd edərək iyunun 16-dək müraciət edə bilərsiniz.
Qeyd edək ki, TƏBİB təhlükəsizlik səbəbindən yandex.ru, mail.ru, list.ru, inbox.ru, bk.ru və yahoo.com domenlərindən məktub qəbul etmir.
