İpoteka və Kredit Zəmanət Fondu Sumqayıt şəhərində daha 280 tam təmirli mənzili satmaq öhdəliyi ilə kirayə mexanizmi çərçivəsində vətəndaşlara təqdim edib.
Sumqayit24.az fonda istinadən xəbər verir ki, söhbət Sumqayıtın Sülh prospektindəki Üst trikotaj fabrikinin cənubunda, 3-cü məhəllədə yerləşən yaşayış kompleksindəki 280 mənzildən gedir.
Sözügedən mənzillər 1, 2 və 3 otaqlıdır.
Yeni mənzillər seçim üçün iyulun 14-ü saat 15:00-dan etibarən açıq olacaq. Vətəndaşlar təqdim olunan yaşayış sahələrinin siyahısı ilə bu keçid vasitəsilə tanış ola bilərlər.
Müraciətlərin qəbulu və mənzil seçimi Elektron Hökumət Portalına (e-gov.az) inteqrasiya edilmiş Elektron İpoteka və Kredit Zəmanət sistemi üzərindən həyata keçirilir.
İndiyə qədər satmaq öhdəliyi ilə kirayə mexanizmi çərçivəsində 7 280 kirayə müqaviləsi bağlanılıb.
