Sumqayıtda “Elektron, yoxsa ənənəvi kitab?” adlı debat keçirilib.
Sumqayit24.az xəbər verir ki, tədbir Gənclər kitabxanasında Gənclər evinin əməkdaşları və könüllülərinin iştirakı ilə “Sumqayıt - Gənclər paytaxtı 2025” və “Yayı kitabla keçirək” layihəsinə əsasən təşkil olunub.
Tədbirin əvvəlində kitabxana haqqında ətraflı məlumat verilib. Gənclər kitabxana fondu, kataloq və kartoteka, kitab seçimi, eləcə də daimi sərgilər ilə tanış olublar.
Daha sonra könüllülər iki qrupa ayrılaraq debat həyata keçiriblər. Debatın mövzusu isə qeyd etdyimiz kimi, ənənəvi və elektron kitabların faydalı və ziyanlı tərəfləri haqqında olub.
Qeyd edək ki, tədbir aparıcının ünvanladığı suallar ətrafında müzakirələrlə davam edib.
Sonda isə belə bir nəticəyə gəliblər ki, kitab istər elektron, istərsə də ənənəvi formatda olsun, gənclər üçün mütailə etmək hər zaman vacibdir.
