Sumqayıtda “TEDxSumgait” tədbiri keçiriləcək.
Sumqayit24.az xəbər verir ki, 7 spikerin çıxış edəcəyi tədbir Sumqayıt Dövlət Dram Teatrında baş tutacaq. Görüşlər 25 may saat 14:00-da başlayacaq.
Tədbirin spikerləri:
PRoMete
- Sumqayıt şəhərində böyüyən PRoMete musiqi prodüseri və reperdir. Həmçinin “mikpro” və “PicMus” şirkətlərinin həmtəsisçisidir.
Aynur Xəlilova
- İxtisasca genetik olan Aynur xanım karyerasını fərqli sahədə qurmaq qərarına gəlir. Belə ki, 2013-cü ildən dəblə bağlı bloq yazmağa başlayır və 2 il sonra ilk atelyesini açır. 2020-ci ildə isə “Dably Baku” yerli geyim brendinin həmtəsisçisi olur. Onu “Hərşeyşünas” podkastından da tanıya bilərsiniz.
Fərhad Pərvizi
- Fərhad Pərvizi “Baker Tilly Azerbaijan” şirkətində Məsləhət Xidmətləri Direktorudur. İqtisadçı-ekspert sosial mediada mövzulara fərqli yanaşması ilə tanınır.
Cəlalə Nəzəroğlu
- Aparıcı və redaktor kimi fəaliyyət göstərmiş Cəlalə xanım hal-hazırda nitq təlimçisi və “Diksiya Akademiyası”nın direktorudur. Səlis nitq barədə çıxışları ilə tanınır.
Fərid Rəsul
- Aparıcı Fərid Rəsul son illər retro avtomobillərlə dünyanı gəzərək bununla bağlı sosial media hesablarında vloglar hazırlayır. Paylaşmadığı çox hekayəsi var, danışmaq üçün bu dəfə yolunu Sumqayıtdan salacaq.
Ramilə Şamilova
- Azərbaycan Rəssamlar İttifaqının üzvü, “LéRami” art studionun təsisçisi, rəssam və art kurator Ramilə Şamilova çox sayda sərgilər təşkil edib və incəsənət barədə müxtəlif çıxışları olub.
Aqşin Yenisey
- Azərbaycan ədəbiyyatına adını yazmağı bacaran şair və yazıçı Aqşin Yenisey oxucuları ilə müntəzəm olaraq görüşlər keçirir, müxtəlif mövzularda çıxışlar edir.
Qeyd edək ki, aparıcı qismində Məmmədəli Məmmədov (DJ Fateh) çıxış edəcək.
