Sumqayıtda yerli sənətkarların iştirakı ilə satış yarmarkası təşkil olunacaq.
Sumqayit24.az xəbər verir ki, iyun ayının 28-i və 29-u tarixlərində Sumqayıt şəhərində “Sumqayıtın inciləri” adlı həftəsonu satış yarmarkası keçiriləcək. Tədbir şəhərin Nəsimi parkında baş tutacaq və səhər saat 09:00-dan axşam 21:00-dək davam edəcək.
Yarmarkada yerli sənətkarların əl işləri, müxtəlif hədiyyəliklər, əl istehsalı aksessuarlar və digər sənət nümunələri satışa çıxarılacaq. Tədbirin təşkilatçıları bu yarmarkanın əsas məqsədinin yerli sənətkarlığın dəstəklənməsi və şəhər sakinlərinə fərqli məhsullar təqdim edilməsi olduğunu bildirirlər.
Yarmarkaya giriş ödənişsizdir. Əlavə məlumat üçün əlaqə nömrəsi: 050 450 97 55.
