"IT Hub Azerbaijan" layihəsinə start verilib. Sumqayıt24 bu haqda 8 fevral tarixində İqtisadiyyat Nazirliyinə istinadən xəbər verir.
Proqram çərçivəsində ilkin mərhələdə Sumqayıtda 19-30 yaş kateqoriyasına aid gənclər ödənişsiz şəkildə İT təlimlərində iştirak edə biləcəklər. Proqramı uğurla bitirənlər sırasından seçilmiş namizədlər ölkəmizdə qalmaqla xarici şirkətlərdə işlə təmin olunacaqlar.
Təlimlər beynəlxalq ekspertlər tərəfindən kompüter elmləri, proqramlaşdırma, biznes təhlili və digər mövzularda 11 ay müddətində onlayn şəkildə aparılacaqdır.
Aşağıdakı link vasitəsilə 7 mart tarixinədək qeydiyyatdan keçmək olar: bit.ly/3X1IXhy.
Qeyd edək ki, layihə Dördüncü Sənaye İnqilabının Təhlili və Koordinasiya Mərkəzi (4SİM), Avropa Yenidənqurma və İnkişaf Bankı (AYİB) və “StrategEast” müəssisəsinin birgə əməkdaşlığı ilə təşkil edilib.
