Sumqayıtda dağ velosipedi yarışı keçiriləcək.
Sumqayit24.az-ın məlumatına görə, birincilik Gənclər və İdman Nazirliyi, Azərbaycan Velosiped Federasiyası və “Sumqayıt VeloSvik” İdman Klubunun dəstəyi ilə 28 dekabr saat 10:00-da təşkil olunacaq.
Yarış rəsmiləşdirilmiş formada, bütün standartlara uyğun şəkildə keçiriləcək. Hər kəs iştirak edə bilər.
Qeyd: birinciliyə qatılmaq istəyən və 18 yaşı tamam olmayan şəxslərin valideynləri “SVİK BİKE SHOP” dükanına yaxınlaşaraq müəyyən sənədi imzalamalıdırlar.
Ətraflı məlumat üçün (055) 234-55-10 nömrəsi (yarışın meneceri Aslan Adıgözəlov) ilə əlaqə saxlaya bilərsiniz.
Qeyd edək ki, hava şəraitindən asılı olaraq birincilik dekabrın 27-nə keçirilə bilər.
