22 avqust 1947-ci ildə Sumqayıtda fəaliyyətə başlayan ilk məktəb, İnşaatçılar qəsəbəsində yerləşən (indiki ünvan: 29-cu məhəllə, Nizami küçəsi 5) 200 №-li məktəb olub. Bu təhsil ocağı 600 şagirdlik idi. 1950-ci ildən etibarən isə 1 №-li məktəb kimi öz fəaliyyətini davam etdirir. Hal-hazırda isə İsmət Qayıbovun adını daşıyır.
1952-1954-cü illərdə məktəbin direktoru Sonaxanım Atakişiyeva olub, 1975-1981-ci illərdə - Nina Axmatova, 1981/1982-2011 - Lətifə Cabbarova, hal hazırda isə - Kəmalə Hüseynovadır.
20 sentyabr 2021-ci ildə (təmir işləri 2020-ci ilin yanvar aylarında başlayıb) məktəb üçün yeni tikilmiş tədris binası istifadəyə verilib. 4 mərtəbəsi və 4 korpusu olan yeni məktəb binası 1800 şagirdin (92 sinif otağı) təhsil alması üçün nəzərdə tutulub.
Məktəb 2 növbəlidir. Burada ingilis, rus və alman dilləri xarici dil kimi tədris olunur.
Mənbələr:
