Sumqayıtda bir çoxlarının xəbəri belə olmadığı kanyon var. Sözügedən təbiət abidəsi Sumqayıtçayın aşağı axarlarında, Qaraboğaz düzənliyində yerləşir.
Sumqayıt kanyonu turizm üçün potensial məkanlardan hesab olunur. Ərazidən asılı olaraq, onun hündürlüyü və eni dəyişir. Belə ki, bir hissədə kanyonun hündürlüyü 12, eni isə 35 metrə çatırsa, digər hissədə bu göstəricilər daha çox ola bilir.
İndi isə keçək burada olan flora və faunaya. Məlumata görə, kanyon yarımsəhra-quru çöl iqlimində yerləşdiyindən, ərazisində ot və kol bitkiləri (yovşan və yulğun) bitir. Çöl heyvanlarından ərazidə canavar, tülkü, çaqqal və dovşana, sürünənlərdən isə bataqlıq tısbağası və xəzər gekkonuna rast gəlmək mümkündür. Burada, həmçinin quşların bir çox növünü müşahidə etmək olar.
Təəssüfləndirici hal ondan ibarətdir ki, bu gün sözügedən ərazidə antisanitar vəziyyət hökm sürür. Bu isə, öz növbəsində, kanyonun tanınmasına və potensial turizm məkanına çevrilməsinə mane olur.
Sumqayıt24 izləyicilərini həmin təbiət abidəsi ilə yaxından tanış etmək üçün (foto və video materialları təqdim edir) çəkiliş edib: [modula id="13984"]
