Sumqayıt şəhərinin salınmasından öncə tikintisinə başlanılan “Köhnə Sumqayıt”. Sumqayıt24 bu haqda Xeberle.com-a istinadən xəbər verir.
Məlumata görə, şəhər, əhali arasında "Ximstroy" kimi tanınan Kimyaçılar qəsəbəsindən salınmağa başlanılıb. Buranı sumqayıtlılar bəzən "Köhnə Sumqayıt" da adlandırırlar.
Sözügedən ərazilərdə ilk tikinti işləri 1938-ci ildə başlanılsa da, İkinci dünya müharibəsinin başlanması ilə əlaqədar dayandırılmışdır. İşlər yalnız 6 il sonra, 1944-cü ildə yenidən bərpa edilmişdir.
Sumqayıtın salınmasına da məhz İstilik Elektrik stansiyasından başlanılıb. Burada tikinti işlərində çalışan fəhlələr üçün 2 mərtəbəli evlər tikilmişdir. Nəticədə İstilik Elektrik Stansiyasının yanında qəsəbə olaraq yaranan Sumqayıt qısa müddətdə əhali sayına və sənaye əhəmiyyətinə görə Bakıdan sonra ikinci böyük şəhərə çevrilmişdir.
