Sumqayıtda “Birlikdə üzək” adlı üzgüçülük yarışı keçiriləcək. Bu barədə 15 dekabr tarixində Gənclər və İdman Nazirliyinə istinadən xəbər veririk.
İştirakçılar yarım saat ərzində ən uzun məsafəyə üzmək uğrunda mübarizə aparacaqlar. Onların hər birinə sertifikat və medal veriləcək. Ən uzun məsafəyə üzən (hər yaş qrupu üzrə ilk 3 nəfər) iştirakçılar hovuzlara abunəlik qazanacaqlar.
Yarışlar 9-10, 11-12, 13-14, 15-16, 17-19, 20-24, 25-29, 30-34, 35-39, 40-44, 45-49, 50-54, 55-59 və 60 yaşdan yuxarı qruplarda kişilər və qadınlar kateqoriyalarında keçiriləcək. İştirak ödənişsizdir.
Tarixlər: 24-26 dekabr;
Vaxt: 10:00-13:00, 15:00-18:00;
Ünvan: Sumqayıt Olimpiya İdman Kompleksi.
Qeydiyyat üçün [email protected] elektron poçt ünvanına ad, soyad, yaş, telefon nömrəsi, yarışacağınız tarix, vaxt, hovuzun adını yazmaq lazımdır. Həmçinin 187 qısa nömrəsinə (yaxud 012-499-79-85) zəng etmək (saat 09:00-dan 18:00-dək) mümkündür.
