Sumqayıtda “TEDxSumgait” tədbiri keçiriləcək. Bu barədə 14 yanvar tarixində Sumqayıt24 xəbər verir.
Tədbirdə 8 spikerin çıxışı, musiqili qonaqlar və yemək fasiləsi nəzərdə tutulub. Qiyməti 17 manat olan biletləri “Karandaş Store” məktəbli mağazası, “Belgian” kafesi, Bakı sakinləri isə (051) 519-98-45 və ya (051) 515-49-48 nömrələri ilə əlaqə saxlayaraq əldə edə bilərlər. Onlayn formatda bilet almaq istəyənlər link vasitəsilə qeydiyyatdan keçməlidirlər.
Tədbirdə çıxış edəcək spikerlərdən bəzilərinin adları açıqlanıb:
Mühəndis-sahibkar Elşad Yusifli
- "Metafluence" kripto-layihəsinin həmtəsisçisidir;.
- 2017-ci ildən etibarən "blockchain" texnologiyaları ilə məşğuldur;
- "Keepface.com" influenser marketinq şirkətinin həmtəsisçisidir. Şirkət Dubayda təsis edilib və 40-dan artıq ölkədə influenser kampaniyaları həyata keçirir;
- 15 illik mühəndislik təcrübəsi var;
- "Alkredit" şirkətini təsis edərək ilk 18 ayda yerli banklar üçün 10 milyon ABŞ dolları həcmində kredit portfeli yaradıb;
- Yaratdığı "Nettrends" platforması 8 ölkənin onlayn mediasına nəzarət edib.
Səyahətçi-yazar İradə Qədirova
- İxtisasca tarixçidir.
- Səyahəti təkcə gəzmək kimi yox, gedəcəyi yerləri kəşf etmək imkanı kimi gördüyü üçün özünün səyahətçi və araşdırmaçı kimi təqdim olunmasını çox sevir.
- "Azərbaycan Turizm Blogerləri Assosiasiyası"nın sədr müavinidir.
- Yüz mindən çox izləyicisi olan bloqunda səyahət etdiyi ölkələr haqda tarixi faktları və öz təcrübələrini bölüşür.
- Keçən ilin oktyabr ayında səyahətçi-yazar kimi İran boyu tək səyahətinə həsr etdiyi “Əfşan” kitabının işıq üzü görməsinə nail olmuşdur. Hal-hazırda ikinci kitabını yazmağa davam edir.
İqtisadiyyatçı-sahibkar Qafar Demirçi
- "University College London"da İqtisadiyyat ixtisası üzrə bakalavr təhsili almışdır.
- "AGA" şirkətlər qrupunun icraçı direktoru vəzifəsində çalışır.
- "Bravo Technologies" informasiya texnologiyaları şirkətini təsis etmişdir. "Ferrum Capital" maliyyə şirkətinin həmtəsisçisidir.
- 2020-ci ildən "Lotfi Zadeh" Texnologiya Mərkəzinin və "Fuzzy Coffee&Wine" restoranının həmtəsisçisidir. 2022-ci ildə "Brandmar"ın həmtəsisçisi olmuşdur.
Tarix: 12 fevral;
Vaxt: 14:00;
Məkan: Sumqayıt Dövlət Dram Teatrı.
