Həftəsonu Sumqayıt Dövlət Dram Teatrının səhnəsində tamaşaçılar üçün 4 əsər təqdim ediləcək. Bu haqda bu gün, 20 aprel tarixində Teatro.az-a istinadən xəbər veririk.
23 aprel saat 11:00 və 13:00-da H.X.Andersenin “Şahzadənin ulduzu” tamaşası nümayiş olunacaq. Tamaşanın quruluşçu rejissoru Vasif Məmmədovdur. Tərtibatın quruluşu Nizami Dadaşova, rəqslərin quruluşu isə Vüsal Mehrəliyevə məxsusdur.
23 aprel saat 18:00-da gənc rejissor Ümüd Abbasın quruluş verdiyi “Pələng” tamaşası təqdim ediləcək. Bu monotamaşada gənc aktyor Kamran Muradlı ilə tanış olacaqsınız.
24 aprel tarixində saat 13:00 və 15:00-da “Şahzadənin ulduzu” tamaşası yenidən səhnələşdiriləcək.
24 aprel saat 18:00-da isə Ülviyyə Heydərovanın “Uşaqlıq” monotamaşası Xalq artisti Firudin Məhərrəmovun yozumunda və aktrisa İlahə Səfərovanın ifasında teatrın səhnəsində təqdim olunacaq.
