Parisin "Sevgi körpüsü”ndən heç də geriyə qalmayan körpü Sumqayıtda da var. Sözügedən körpü SSRİ vaxtında “Nəsimi” parkında inşa olunub.
Şəhər sakinləri və ən az bir dəfə Sumqayıta səfər edən hər kəs yerli “Sevgi körpü”müzü tanıyır. Bura xüsusən də gənclərin ən çox gəldiyi yerdir.
Belə ki, əvvəllər sevənlər körpünün dəmir konstruksiyalarında adlarını yazar, həmçinin adlarının baş hərflərini qıfılların üzərinə həkk edərək burada quraşdırılmış ürək şəklində metal konstruksiyanın üzərinə asardırlar. Daha sonra isə qıfılların açarlarını bağlı qutuya atardırlar. Bura artıq 100-ə yaxın qıfıl vurulub. Cütlüklər bununla bir-birilərinə qarşı olan məhəbbətlərini ifadə ediblər.
Bir müddət öncə isə, bu körpü tam olaraq rekonstruksiya olunub. Hazırda gənclər adlarını onun üzərinə yazmırlar, buna baxmayaraq “ürəy”in üzərində qıfılların sayı günü-gündən artır.
Sevgililər açar olmayan qıfılı heç kimin aça bilmədiyi kimi, onları da heç kimin ayıra bilməyəcəyinə inanırlar. [modula id="11663"]
