Birinci sinfə qəbulla bağlı alternativ qeydiyyat mərkəzləri yaradılıb. Sumqayıt24 bu haqda 25 aprel tarixində xəbər verir.
Bu addım Abşeron–Xızı Regional Təhsil İdarəsinin tabeliyindəki ümumi təhsil müəssisələrinə qeydiyyat zamanı valideynlərə kömək etmək üçün atılıb.
Belə ki, özü elektron qeydiyyatdan keçə bilməyən və ya internet resurslarına çıxış imkanı olmayan valideynlərə (iş günləri ərzində saat 10:00-dan 17:00-dək) aşağıdakı mərkəzlərdə yaradılmış işçi qrupları zəruri köməklik göstərəcək:
Sumqayıt şəhəri
- A. Şükürov adına 25 nömrəli məktəb;
- M. Müşfiq adına 34 nömrəli məktəb;
- 19 nömrəli məktəb;
- 26 nömrəli məktəb.
Saray qəsəbəsi
- 3 nömrəli məktəb.
Eyni zamanda valideynlər Sumqayıt “ASAN xidmət” mərkəzinə yaxınlaşaraq eyni təhsil xidmətindən yararlana bilərlər.
Qeydiyyatla bağlı suallar yaranarsa, Abşeron–Xızı Regional Təhsil İdarəsinin Çağrı Mərkəzinin "146-0-1" nömrəsinə zəng etmək mümkündür.
Qeyd edək ki, mayın 1-dən 2024-2025-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək. Qəbul prosesi www.mektebeqebul.edu.az elektron portalı vasitəsilə aparılacaq.
