Sumqayıtda yarım əsrdən çox gənclərə xidmət göstərən kitabxana var. Söhbət 1-ci məhəllədə yerləşən “Gənclər kitabxanası”ndan gedir.
Sumqayıt24 xəbər verir ki, bu oxu məkanı 1969-cu ildən, cümə günü istisna olmaqla, həftənin hər günü saat 10:00-dan 18:00-a dək fasiləsiz olaraq fəaliyyət göstərir.
Kitabsevərlər burada bütün elm sahələrinə aid kitab tapa bilər. Məkanda 9 minə yaxın latın, 14.226 kiril, 15.636 rus əlifbası ilə yazılmış kitab var. Həmçinin istəkdən asılı olaraq oxucular buradakı kompüterlərdə müxtəlif audiokitablar dinləyə bilər.
Hər bir vətəndaş, şəxsiyyət vəsiqəsini təqdim edib istənilən kitabı 15 gün muddətinə götürə bilər. Bütün xidmətlər ödənişsizdir.
Son olaraq, müxbirimizin həmsöhbət olduğu kitabxana işçisinin sözlərini təqdim edirik:
“Kitabxanalarda işin az olduğu görsənir, lakin bu təəssürat aldadıcıdır. Çox təəssüf ki, son zamanlar kitabxanalara çox az adam üz tutur”.
"Kitablar olmasaydı, mən səfalət və alçaqlıq içində qərq olardım",- Maksim Qorki.
