Sumqayıtlı ağır atlet Avropa birinciliyindən 3 medalla dönür. Bu barədə 12 avqust tarixində Ağır Atletika Federasiyasına istinadən xəbər veririk.
Polşada 15 və 17 yaşlı yeniyetmələr arasında turnir keçirilir. Burada 36 ölkədən 331 nəfər (160 qız və 171 oğlan) atlet iştirak edir. Azərbaycan yığmasının heyətində olan Turan Əliyev yaşı 15-ə qədər olan atletlər arasında 61 kq çəki dərəcəsində mübarizə aparıb.
O, birdən qaldırma hərəkətində 99 kq çəkini ram edərək gümüş, təkanla qaldırmada isə 120 kq-nin öhdəsindən gələrək bürünc medal əldə edib. Toplam 219 kq (99+120) nəticə göstərən Turan yarışın yekun sıralamasında da bürünc medal qazanıb.
