Şahmatçı Şəhriyar Məmmədyarov “Aimchess Rapid” turnirində yarımfinala yüksəlib. Bu barədə 19 oktyabr tarixində Sumqayıt24 xəbər verir.
Sumqayıtlı qrosmeyster 1/4 final görüşündə özbək Nodirbek Abdusattorovla üz-üzə gəlib. Məmmədyarov 2,5:1,5 hesablı qələbə qazanaraq növbəti mərhələyə adlayıb. O, finala gedən yolda Dommaraju Qukeş (Hindistan) - Riçard Rapport (Macarıstan) cütünün qalibi ilə qarşılaşacaq.
Qeyd edək ki, paralel yarımfinal görüşü norveçli dünya çempionu Maqnus Karlsenlə polşalı Yan Kşiştof-Duda arasında olacaq.
