“Sumqayıt” FK-nın baş məşqçisinin son oyundan sonra mətbuat konfransına qatılmamasının səbəbi məlum olub. Sumqayıt24 bu barədə 5 sentyabr tarixində Sportinfo.az-a istinadən xəbər verir.
Komandamız Misli Premyer Liqasının 5-ci turunda “Neftçi” klubuna 0:3 hesablı məğlubiyyətdən sonra belaruslu çalışdırıcı Aleksey Baqa özünü pis hiss edib və klub rəhbərliyinin nümayəndələrinə “Mən evə gedirəm, jurnalistlərə deməyə sözüm yoxdur” söyləyib. Media nümayəndələrinin suallarını onun köməkçisi Rail Məlikov cavablandırmalı olub.
