“Sumqayıt” FK-nın baş məşqçisi “Qarabağ”la oyunun təxirə salınmasından danışıb. Sumqayıt24 bu haqda Sportinfo.az-a istinadən xəbər verir.
Aleksey Baqanın sözlərinə görə, rəqib, “Marsel”lə oyuna hazırlaşır, bu səbəbdən klubumuz buna anlayışla yanaşıb.
Belaruslu mütəxəssis yaranmış 2 həftəlik boşluğun faydasını görəcəklərini düşünür:
“Həftəsonu boş qalmadıq. Əvəzedici komandamızla yoldaşlıq görüşü keçirdik və düşünürəm ki, futbolçular yaxşı oyun yükü qazandı. Eyni zamanda gənclərimizi təcrübəlilərlə görüşdə iş başında gördük”.
O qeyd edib ki, hazırda klubumuz “Qəbələ” ilə ev qarşılaşmasına lazımi qaydada hazırlaşır.
Xatırladaq ki, 16-cı turun oyunu 20 fevral tarixindən 12 may tarixinə keçirilib.
