Azərbaycan Milli Antidopinq Agentliyi (AMADA) "Sumqayıt" klubunun sabiq basketbolçusu Cavaun Markel Danielsi cəzalandırıb.
Daniels qadağan edilmiş maddələrdən istifadə etdiyi üçün 3 aylıq diskvalifikasiya olunub. Amerikalı basketbolçununun cəzası avqustun 1-dən hesablanır.
Azərbaycan Basketbol Federasiyasının mətbuat katibi Sənan Əliyev Teleqraf-a açıqlamasında bildirib ki, Daniels "Sumqayıt"dan məhz intizamsız davranışlarına görə uzaqlaşdırılıb.
Qeyd edək ki, Cavaun Markel Daniels 2024/25 mövsümünün əvvəlində "Sumqayıt"a keçib. O, "kimyaçılar"ın heyətində cəmi 2 oyunda iştirak edib.
