Aparıcı oyunçuları ilə yollarını ayıran “Sumqayıt” FK legioner axtarışlarını davam etdirir. Sumqayıt24 bu haqda 9 iyul tarixində Sportinfo.az-a istinadən xəbər verir.
İki yoldaşlıq oyunundan sonra, iyulun 15-də Türkiyəyə yola düşəcək “kimyaçılar” yalnız bir futbolçu - Steven Pereiranı heyətinə cəlb edə biliblər. Hazırda düşərgədə Qazaxıstan, Avstriya və Moldovadan olan üç oyunçu yoxlanılır. Lakin moldovalı legionerin göndəriləcəyi gözlənilir. Digər ikisinin aqibəti isə yoxlama oyunlarından sonra bilinəcək.
Müxtəlif mövqelərdə çıxış edən Braziliya və Afrikadan bir neçə oyunçunun kollektivə qoşulması gözlənilir. Hər gün çox sayda futbolçuya yaxından baxılır, analiz edilir.
Xatırladaq ki, Tellur Mütəllimov, Rəhim Sadıxov və Əli Qurbani komandanı tərk ediblər.
