Güləş üzrə U-17 Avropa çempionatında sumqayıtlı idmançı finala yüksəlib. Bu haqda bu gün, 14 iyun tarixində Sumqayıt24 xəbər verir.
Yunan-Roma güləşi üzrə keçirilən çempionatda Elvin İbadov final mərhələsində gürcü Vaxtanq Lolua ilə üz-üzə gələcək. 48 kq çəki dərəcəsində çıxış edən idmançımız finala gedən yolda rumıniyalı Alberto Marian Enaçeskunu, türkiyəli Ali Sümbülü və macar Levente Fiqeyi məğlub edib.
Avropa çempionatı Rumıniyanın paytaxtı Buxarestdə keçirilir. Qarşılaşma bu gün Bakı vaxtı ilə 19:00-da başlayacaq.
