Sumqayıtlı idmançılar Avropa çempionatından 3 medalla qayıdıblar. Bu haqda bu gün, 21 iyun tarixində Gənclər və İdman Baş İdarəsinə istinadən xəbər veririk.
Milli yığma komandanın tərkibində çıxış edən Vahid Həsənov gənclər arasında yarışın qızıl, Fatimə Məmmədova və Aslan Dostuyev isə yeniyetmələr arasında bürünc medallara sahib olublar.
Karatenin WKF növü üzrə çempionat Çexiyanın Praqa şəhərində keçirilib. Yarışda 48 ölkədən 1064 idmançı iştirak edib.
