Sumqayıtlı karateçi Ülvi Məmmədov beynəlxalq turnirdə ölkəmizi layigincə təmsil edib.
Sumqayit24.az xəbər verir ki, Rumıniyanın Tarqu Mureş şəhərində 15-ci Avropa Karate Çempionatı keçirilib. 84 kq çəki dərəcəsində mübarizə aparan Ülvi Məmmədov bir-birinin ardınca güclü rəqiblərini məğlub edib. Gənc idmançı yalnız finalda cüzi fərqlə uduzaraq Avropa ikincisi adını qazanıb.
O, şəxsi məşqçisi Elnur Alıyev və təcrübəli mütəxəssis Murad Hacızadənin rəhbərliyi ilə çempionata qatılıb.
Ü.Məmmədov sentyabrda Özbəkistanın Səmərqənd şəhərində keçiriləcək dünya çempionatında iştirak edəcək.
