Həmvətənlimiz 12 yaşlı Turan Qasımlı İspaniyanın tanınmış futbol klublarından birində çıxış edir. Sumqayıt24 bu haqda 3 may tarixində xəbər verir.
Məlumata görə, Turan Sumqayıt şəhərində anadan olub. İlk öncə o, karate məşqlərinə yazılsa da, onun əsas marağı futbola idi. Xəyalının ardınca getməyə qərar verən gənc istedadımız hazırda “Getafe” komandasında uğurlu çıxış nümayiş etdirir.
Mövsüm boyunca 19 oyunda iştirak etmiş Qasımlı 11 qol və 16 məhsuldar ötürmə ilə yadda qalıb. Hətta bu səbəbdən ona İspaniya millisi heyətində çıxış etmək üçün təklif də göndərilib.
Qeyd edək ki, perspektivli idmançımız daha öncə həmin ölkənin “Malaqa” klubunda çıxış edib. Ona bir sıra klub transfer təklifi göndərib. İddia olunur ki, onunla maraqlanan klublar sırasında “Barcelona”-da var.
