Sumqayıtlı taekvondoçu Avropa çempionatında mübarizə aparacaq. Sumqayıt24 bu haqda 27 aprel tarixində Taekvondo Federasiyasına istinadən xəbər verir.
Yarış bu gün Bolqarıstanın paytaxtı Sofiyada start götürəcək və 3 gün davam edəcək. “Sumqayıt” Taekvondo Klubu da Azərbaycanın digər 4 komandası ilə birgə çempionata qatılıb. Şəhərimizi Aylin Eynullayeva (49 kq) təmsil edəcək.
Qeyd edək ki, klublara Federasiyanın vitse-prezidenti Niyaməddin Paşayev rəhbərlik edəcək. Çempionata ümumilikdə 2000-dən artıq taekvondoçu qatılacaq.
