Sumqayıtlı gənc boksçular şəhid Taleh Yusifovun xatirəsinə həsr olunan boks üzrə turnirdə uğurla çıxış ediblər. Bu haqda bu gün, 14 aprel tarixində Olimpiya İdman Kompleksinə istinadən xəbər veririk.
Paytaxtda keçirilən yarışda müxtəlif yaş qruplarında çıxış edən 12 boksçu iştirak edib. İdmançılarımız 9 qızıl və 3 gümüş medal qazanıblar.
Taleh Yusifov 21 may 1992-ci ildə Bakı şəhərində anadan olub. Vətən müharibəsi zamanı Taleh Füzulinin azadlığı uğrunda gedən döyüşlərdə savaşıb. Əsgərimiz oktyabrın 3-də Füzuli döyüşləri zamanı şəhid olub, lakin nəşi uzun müddət tapıla bilməyib. O, 18 dekabr tarixində dəfn olunub.
Taleh Yusifov ölümündən sonra "Vətən uğrunda" medalı ilə təltif edilib.
