Şəhriyar Məmmədyarovun "Superbet Chess Classic" turnirindəki rəqibləri bəlli olub. Bu haqda bu gün, 14 aprel tarixində Report-a istinadən xəbər veririk.
Məlumata əsasən, turnirdə Məmmədyarovla yanaşı 9 qrossmeyster iştirak edəcək : Alireza Firuzca, Maksim Vaşye-Laqrav, Levon Aronyan, Fabiano Karuana, Uesli So, Leyner Dominges, Yan Nepomnyaşi, Riçard Rapport və Boqdan Danyel-Dyak.
"Superbet Chess Classic" turniri 4-14 may tarixlərində Rumıniyanın paytaxtı Buxarestdə keçiriləcək. Yarışın mükafat fondu 350.000 dollar təşkil edir.
Şahmatçımız ötən il baş tutmuş həmin turnirin qalibi olmuşdur.
